Rusyada azərbaycanlını öz dükanında yandırdılar

Rusyada azərbaycanlını öz dükanında yandırdılar

 Rusiyanın Tümen vilayətindəki Neftyuqansk şəhərində azərbaycanlı iş adamı İlyasov Fəzail Eldar oğlu vəhşicəsinə qətlə yetirilib. Bu barədə “Basta”ya mərhumun dayısı oğlu Mərdan Mehdili məlumat verib.

Mərdan Mehdilinin bildirdiyinə görə, Fəzail İlyasov iki gün əvvəl naməlum şəxslər tərəfindən oğurlanıb. “Rusiya polisi iki gün idi, itkin düşmüş şəxs kimi, onu axtarırdı. Bu gün səhər isə onun dükanı yandırılıb. Hadisə yerinə gələnlər onun öz dükanında yandırıldığını görüblər”.

Mərdan bəy onu da qeyd edib ki, mərhumun cənazəsi Rusiyada ekspertizadan keçirildikdən sonra Azərbaycana, Siyəzən şəhərinə gətiriləcək. Dəhşətli qətlin səbəbinə gəlincə, Mərdan Mehdili bununla bağlı məlumat olmadığını deyib. “Onun kimsə ilə ədavəti, kiməsə borcu olmayıb. Əksinə, özü kimlərəsə borc pul verib. Qətlin səbəbi isə hələlik məlum deyil”. 

Criminal.az

Digər maraqlı xəbərlər Criminal.az-ın Facebook səhifəsində

Maraqlı foto, video və şikayətlərinizi bizə göndərin: +994 70 288 82 72, criminalazerbaijan@gmail.com




Loading...


loading...
Loading...
loading...